Навукоўцы стварылі гідрагель, здольны лячыць «разбітыя сэрцы»

14 лютага 2024 у 1707926700
«Зеркало»

Навукоўцы распрацавалі гідрагель, які можа загойваць пашкоджаную сардэчную тканку. Пра гэта 14 лютага паведаміла выданне SciTechDaily.

У сувязі з тым, што 14 лютага ў многіх краінах адзначаецца свята закаханых, навукоўцы пажартавалі, што стварылі такі падарунак для «гаення разбітых сэрцаў».

Даследчыца з канадскага Універсітэта Ватэрлоа доктар Элізабет Прынс аб'ядналася з калегамі з Універсітэта Таронта і Універсітэта Дзюка, каб распрацаваць сінтэтычны матэрыял з выкарыстаннем нанакрышталікаў цэлюлозы, атрыманых з драўнянай масы. У выніку яны стварылі такі матэрыял, які імітаваў валакністыя нанаструктуры і ўласцівасці тканак чалавека і ўзнаўляў усе іх ўласцівасці.

Доктар Прынс адзначыла, што гідрагелі, якія імітуюць чалавечыя тканкі, можна ўводзіць у арганізм чалавека для аднаўлення пашкоджанняў - да прыкладу, пацыентам, якія перанеслі сардэчны прыступ.

Адзначаецца, што гідрагель можа не толькі загойваць пашкоджаныя тканкі, але і дапамагчы ў лячэнні рака: навукоўцы выкарыстоўвалі яго для стымулявання росту невялікіх копій пухлін, атрыманых з донарскай тканкі. Так яны змаглі праверыць эфектыўнасць пэўных лекаў, якія прызначаюцца канкрэтнаму пацыенту. Гэтае вынаходніцтва цяпер дазволіць праводзіць персаналізаванае лячэнне анкахворых.