Праклятая пасада. У Гродне судзяць, імаверна, затрыманага дырэктара ААТ «АГАТ — сістэмы кіравання» (папярэдні таксама сядзіць)

7 лютага 2024 у 1707288900
«Зеркало»

У Гродзенскім абласным судзе за хабар судзяць Мікалая Васільевіча Балігатава. Чалавек з такімі дадзенымі - дырэктар ААТ «АГАТ - сістэмы кіравання» - кіраўнічай кампаніі холдынгу «Геаінфармацыйныя сістэмы кіравання». Гэта прадпрыемства, якое займаецца пераважна комплексамі кіравання агнём. На расклад судовых паседжанняў звярнула ўвагу выданне Hrodna.life.

Паседжанне пройдзе 12 лютага ў Гродзенскім абласным судзе. Балігатава судзяць па артыкулах:

• арт. 430 ч. 1 «Атрыманне хабару»;
• арт. 424 ч. 3 «Злоўжыванне ўладай або службовымі паўнамоцтвамі»;
• арт. 430 ч. 3 «Атрыманне хабару».

Суддзя - Аляксандр Козел.

Як раней паведамляла «Наша Ніва», Мікалай Балігатаў быў затрыманы ў красавіку 2023 года. Ён прабыў на гэтай пасадзе ўсяго дзевяць месяцаў - Лукашэнка прызначыў яго кіраўніком холдынгу «Агат - сістэмы кіравання» ў ліпені 2022 года.

Нагадаем, папярэдні дырэктар ААТ «АГАТ - сістэмы кіравання» - кіраўнічая кампанія холдынгу «Геаінфармацыйныя сістэмы кіравання» Генадзь Казакоў атрымаў сем гадоў за хабар у асабліва буйным памеры, але праз амністыю яго тэрмін зняволення скарацілі на год. Казакова таксама пазбавілі звання генерал-маёр запасу.