Падтрымаць каманду Люстэрка
Беларусы на вайне
  1. Беларусы выкарыстоўваюць лайфхак, каб хутчэй атрымаць шэнген. Даведаліся, што за ён
  2. З усёй краіны арганізавана звозяць гледачоў на канцэрты, прыдуманыя нявесткай Лукашэнкі. Колькі за гэта плацяць падаткаплатнікі
  3. «Няважна, застаюцца працаваць ці ідуць на пенсію». Наймальнікаў папрасілі даць звесткі пра супрацоўнікаў — навошта
  4. Што з грашыма, якія мусіў атрымаць фонд зніклай Анжалікі Мельнікавай? Вось што даведалася «Люстэрка»
  5. Чыноўнікі расказалі, якія тавары могуць падаражэць найбліжэйшым часам. Тлумачым, з чым гэта звязана
  6. Афіцыйныя прафсаюзы б'юць трывогу праз пенсіі і заробкі бюджэтнікаў. Што з імі не так
  7. В ближайшее время Россия, вероятно, нанесет очередной массированный удар по Украине — ISW
  8. В Беларусь пытались ввезти рекордную контрабанду взрывчатки. Вот что узнало «Зеркало» о водителе
  9. «Чакаем, калі з'явіцца». Былы муж Анжалікі Мельнікавай расказаў, дзе цяпер ён і дзеці і ці ведае пра месцазнаходжанне спікеркі КР
  10. Качанава абурылася ахвяраваннем правоў дзеля палітыкі, але не ўспомніла пра рэпрэсіі ў Беларусі
  11. «Наша Ніва»: Муж беларусской журналистки за границей не единственный, кто имеет паспорт прикрытия
  12. У беларускіх турмах прымушаюць насіць розныя біркі. Так ужо рабіла раней адна краіна — і ўладам Беларусі не спадабаецца параўнанне
  13. Гандлёвыя войны, падзенне цэн на нафту — якіх курсаў чакаць у красавіку: прагноз па валютах
Читать по-русски


Прыватныя пансіянаты, якія да 1 кастрычніка не паспелі атрымаць ліцэнзію, не змогуць працаваць далей з гэтай даты, паведамляе Мінпрацы. Паводле яго звестак, пакуль атрымаць такі дазвол змагла толькі адна ўстанова. У ведамстве прапанавалі варыянты тым, хто цяпер знаходзіцца ў прыватных пансіянатах. Адзін з іх — заключыць дамову пажыццёвага ўтрымання (рэнту), то-бок перадаць дзяржаве сваё жыллё.

Фото: pixabay.com
Здымак мае ілюстрацыйны характар. Фота: pixabay.com

Каротка пра тое, што адбылося

З 1 ліпеня ў Беларусі паводле ўказа Аляксандра Лукашэнкі зрэзалі сацпакет, які дзяржава раней гарантавала насельніцтву. Да прыкладу, трапіць у дамы-інтэрнаты стала складаней, а сацпаслугі ад прыватнікаў, якія аказваюць сацыяльныя паслугі з пражываннем пажылым і людзям з інваліднасцю, трапілі пад ліцэнзаванне. Прыватнікі павінныя да 1 кастрычніка гэтага года атрымаць ліцэнзію ад мясцовых уладаў. Раней падобнае ліцэнзаванне ўвялі для школ, праз што закрыліся многія прыватныя.

У Мінпрацы раней прасоўвалі стварэнне спецыяльнага рэестра тых, хто аказвае сацпаслугі, але ад гэтай ідэі ў выніку адмовіліся.

Ліцэнзію да 1 кастрычніка, мяркуючы са звестак Мінпрацы, змог атрымаць толькі адзін прыватны пансіянат.

Якія альтэрнатыўныя варыянты прапануюць чыноўнікі

Адзін з варыянтаў вырашэння праблемы, які бачаць у Мінпрацы, — заключыць дамову пажыццёвага ўтрымання (рэнту). «Ён уяўляе сабой дакумент, паводле якога атрымальнік рэнты — грамадзянін — перадае сваё жылое памяшканне ва ўласнасць дзяржавы, а платнік — дзяржава — абавязваецца ажыццяўляць пажыццёвае ўтрыманне», — тлумачаць у ведамстве.

У Мінпрацы ўдакладняюць, што такая дамова заключаецца з пажылымі людзьмі, якія дасягнулі 70-гадовага ўзросту і не маюць сваякоў, абавязаных згодна з законам іх утрымліваць. Існуе дзве формы рэнты: дома і ў сацыяльных пансіянатах.

Сярод іншых варыянтаў, якія прапануюць у Мінпрацы, — перабрацца ў дзяржаўны пансіянат ці адзіны прыватны, які атрымаў ліцэнзію. Яшчэ опцыя — скарыстацца паслугамі сацработніка дома або сядзелкі. Таксама прапануецца варыянт замяшчальнай сям'і. «Гэта форма жыццеўладкавання поўнагадовага непрацаздольнага грамадзяніна ва ўмовах сумеснага пражывання і вядзення агульнай гаспадаркі з асобай, якая не з’яўляецца блізкім сваяком (памочнікам), — расказваюць у міністэрстве. — Такія паслугі можа аказваць няродная сям’я або адзін чалавек (памочнік), пры гэтым адносіны не будуць закранаць маёмасных пытанняў».

Чытайце таксама