Беларусам трэба да канца пятніцы, 15 лістапада, паспець заплаціць маёмасныя падаткі за 2023 год. Гаворка пра зборы за першую кватэру, зямлю і транспарт. Калі не паспець своечасова зрабіць гэта, можна атрымаць штраф.
Сёлета ў Беларусі ўвялі адзіны плацёж па маёмасных зборах — за нерухомасць, зямлю і транспарт. Таксама ўлады паднялі гэтыя зборы.
Як заплаціць падаткі
Заплаціць маёмасныя зборы можна некалькімі спосабамі: на пошце ці ў аддзяленнях банкаў, а таксама праз інтэрнэт-банкінг, інфакіёскі ў банках і асабісты кабінет на сайце падатковай.
У АРІП раней тлумачылі, як плаціць маёмасныя падаткі па новых правілах. Так, трэба выбраць у гэтай сістэме раздзел «Падаткі», пасля чаго знайсці патрэбныя вобласць/раён/горад. Потым адшукаць інспекцыю МПЗ па месцы вашай рэгістрацыі — гэта важны момант, бо аб’екты нерухомасці і зямельныя ўчасткі могуць знаходзіцца па розных адрасах (нават у розных абласцях краіны).
Потым трэба пазначыць уліковы нумар платніка (УНП), ён складаецца з дзевяці знакаў. Першыя дзве літары — вялікія лацінскія. Даведацца УНП можна на партале Міністэрства па падатках і зборах.
Што будзе, калі «забыць» пра зборы
Падаткі, якія не заплацілі добраахвотна, спаганяюць праз суд. Пры гэтым налічваецца пеня за кожны каляндарны дзень пратэрміноўкі. За нявыплату ці няпоўную выплату накладаецца штраф памерам 15% ад нявыплачанай сумы падатку, але не менш за 0,5 базавай велічыні (цяпер гэта 20 рублёў).
Чытайце таксама
