Падтрымаць каманду Люстэрка
Беларусы на вайне
  1. «Мне отказано в назначении». Женщина проработала 30 лет, но осталась без трудовой пенсии — почему так произошло
  2. ВСУ нанесли удар по важнейшему для России заводу. Рассказываем, что он производит
  3. У культового американского музыканта, получившего Нобелевскую премию, нашли беларусские корни
  4. Хоккейное «Динамо-Минск» сотворило главную сенсацию в своей истории. Рассказываем, что произошло
  5. Умер беларусский актер и режиссер Максим Сохарь. Ему было 44 года
  6. Помните школьницу из Кобрина, победа которой на олимпиаде по немецкому возмутила некоторых беларусов? Узнали, что было дальше
  7. Погибший в Брестском районе при взрыве боеприпаса подросток совершил одну из самых распространенных ошибок. Что именно произошло
  8. Чиновники рассказали, какие товары могут подорожать в ближайшее время. Поясняем, с чем это связано
  9. Гандлёвыя войны, падзенне цэн на нафту — якіх курсаў чакаць у красавіку: прагноз па валютах
  10. По госТВ рассказали, как задержали экс-калиновца Максима Ралько. Похоже, он сам вернулся в Беларусь
  11. Рэкет, рэйдарства, згвалтаванні, жорсткія забойствы, сілавікі на зарплаце і лаяльнасць уладаў. Расказваем пра найбуйнейшую банду Беларусі
Читать по-русски


Прэзідэнт Азербайджана Ільхам Аліеў правёў тэлефонную размову з дзяржсакратаром ЗША Энтані Блінкенам. Падчас гутаркі ён прапанаваў афіцыйна спыніць дзейнасць Мінскай групы АБСЕ і ўсіх звязаных з ёй інстытуцый, каб «цалкам закрыць старонку канфлікту» з Арменіяй, паведамляе прэс-служба Аліева.

Прэзідэнт Азербайджана Ільхам Аліеў. Фота: Reuters

Удзельнікі размовы абмеркавалі пытанне ўстанаўлення міру ў рэгіёне. Так, Ільхам Аліеў адзначыў «важнасць заканчэння тэрытарыяльных прэтэнзій да Азербайджана, закладзеных у Канстытуцыі, адпаведных законах і ўнутраных нарматыўна-прававых актах Арменіі, з пункту гледжання прасоўвання мірнага парадку».

Ён дадаў, што «даўно прыйшоў час афіцыйна спыніць дзейнасць нефункцыянальнай Мінскай групы АБСЕ і ўсіх звязаных з ёй інстытутаў з тым, каб цалкам закрыць старонку канфлікту (у Нагорным Карабаху. — Заўв. рэд.), які стаў ужо перажыткам мінулага».

Гэтае ж пытанне Баку нядаўна абмяркоўваў непасрэдна з Ерэванам, прапанаваўшы сумесна звярнуцца ў Арганізацыю па бяспецы і супрацоўніцтве ў Еўропе (АБСЕ) і папрасіць ліквідаваць Мінскую групу па ўрэгуляванні канфлікту ў Карабаху.

«Мы ўжо прапанавалі гэта армянскаму боку, каб Азербайджан і Арменія разам выступілі са зваротам да АБСЕ для ліквідацыі Мінскай групы», — сказаў Аліеў.

Паводле яго, у місіі «няма ніякай неабходнасці, яна цяпер не функцыянуе», а калі Арменія выступіць супраць — значыць, у яе засталіся тэрытарыяльныя прэтэнзіі да Азербайджана.

«Мінская група цягам 28 гадоў нібыта старалася вырашыць карабахскую праблему. Насамрэч жа яна спрабавала яе замарозіць, і чатыры рэзалюцыі Савета Бяспекі ААН (з патрабаваннямі неадкладнага спынення баявых дзеянняў. — Заўв. рэд.) былі не больш чым шматком паперы. Таму мы сёння забяспечылі нашае права, тэрытарыяльную цэласнасць на полі бою, сілавым шляхам і ў межах міжнароднага права. Але праўда і тое, што ў цябе мусіць быць сіла, каб абараніць свае правы», — заявіў Аліеў.

Мінская група была створаная ў 1992 годзе з краін — чальцоў АБСЕ, яе мэтай быў пошук спосабаў мірнага ўрэгулявання карабахскага канфлікту. Сустаршынямі групы выступаюць Расія, Францыя і ЗША, у яе склад уваходзяць самі Азербайджан і Арменія, а таксама Беларусь, Германія, Турцыя, Італія, Фінляндыя і Швецыя.

У сярэдзіне верасня 2023 года Азербайджан правёў «антытэрарыстычную аперацыю», у выніку якой непрызнаная Нагорна-Карабахская Рэспубліка спыніла сваё існаванне, якое скончылася яе ліквідацыяй.